¿Quién? Manolo o nacho

 

Extracto de los Estatutos

(En lengua gallega)
Asociación Deportiva-Cultural “Arousaman. Manolo O Nacho”

Artigo 1. Denominación e natureza.

Coa denominación de Asociación Deportiva-Cultural “Arousaman. Manolo O Nacho”, constitúese unha organización de natureza asociativa e sen ánimo de lucro, ao amparo do disposto no artigo 22 da Constitución Española, na Lei orgánica 1/2002, do 22 de marzo, reguladora do dereito de asociación e demais lexislación aplicable.

O 27 de outubro de 2014, Manuel Martínez Saíñas, Manolo O Nacho, sufre secuelas neurolóxicas severas e irreversibles a mans dos neurocirurxiáns que o interveñen na mesa de operacións para a extracción dun tumor cerebral benigno, adquirindo un dano cerebral adquirido (DCA). De súpeto, queda privado das afeccións, amizades e soños de futuro. É unha perda de oportunidades e expectativas que lle priva dun estado de completo benestar físico, mental e social.

Tanto Manuel como a súa familia danse conta de inmediato de que non están o suficientemente preparados para enfrontarse a esta nova etapa. Do mesmo xeito, as persoas e familias que adquiren un dano cerebral (DCA) descubren que, a pesar de salvar a vida, cando abandonan o hospital pasan a ser invisibles. Quedan expostas á exclusión social, limitadas pola discapacidade adquirida e tamén pola discapacidade provocada pola inexistencia dun plan de atención, un plan que contemple as súas necesidades específicas.

O 25 de xullo de 2015, sete nadadores (mulleres e homes): Sabela Pensado, Bruno Vázquez, José Hachero, Andrés e Nardy Sobrido, José Manuel Lorenzo e Juan Ramón Martínez, xunto con catro kayakistas: Esther Barreal, Dani García, Fran Torrado e David Carro, apoiados por dúas embarcacións cos patróns Juan Pérez e Ricardo Franco, así como pola protección civil e a Cruz Vermella, foron os primeiros en cruzar a Ría de Arousa a nado, desde O Grove ata Riveira. O obxectivo era facer visible a dureza de vivir e convivir cun DCA, tentando normalizar unha realidade que afecta a toda a sociedade, pero que esta mesma sociedade, sen decatarse, mira de esguello para o DCA.

Así nace o “arousaman Manolo O Nacho”, nacen todos os “arousaman”: homes, mulleres, nenas e nenos que, ao iniciar unha nova etapa na súa vida, descobren que non están suficientemente preparados, pero aínda así buscan os recursos necesarios na forza, coraxe e serenidade para derrotar o medo, a incerteza e o desgaste, rodeándose de amigos que os acompañen na súa viaxe sen retorno.

Esta práctica deportiva repítese o 29 de xullo de 2017, adquirindo así un carácter bianual coa celebración do evento deportivo nos meses de xullo de cada ano impar. Adquire tamén un carácter permanente de sensibilización promovido por todas as mulleres e homes que se converten en arousaman e comparten os mesmos principios e intereses.

Da ampliación de seguidores da iniciativa creada e da proxección de futuro para continuar as accións de visibilidade das persoas e familias afectadas polo DCA, nace a necesidade de adquirir unha identidade propia a través do movemento asociativo que se crea nos presentes estatutos, coñecido comunmente como “arousaman” e que, paradoxalmente, se iniciou un día despois do Día Nacional do DCA, o 26 de outubro de 2014.